C. PLINI SECUNDI NATURALIS HISTORIAE LIBRI XXXVII. RECENSUIT ET COMMENTARIIS CRITICIS INDICIBUSQUE INSTRUXIT IULIUS SILLIG. VOLUMEN II. HAMBURGI ET GOTHAE, SUMPTIBUS FRIDERICI ET ANDREAE PERTHES. MDCCCLII. 68197 PA 1851 COMPENDIA SCRIPTURAE, QUORUM FREQUENS USUS EST IN HAC EDITIONE. Cum ab Ern. Frid. Wüstemanno, V. Cl., mihi significatum esset ab amicis quibusdam suis, qui rebus nostris bene cuperent, desiderari indicem signorum, quibus aut ipse in designandis codicibus usus essem, aut quorum frequens usus esset in nostra editione, licet ei rei in praefatione cum alibi, tum pag. LVIII. et pag. LXIII. abunde a me satisfactum putaverim, tamen, ne aliorum voluntatibus ulla in re deessem, hoc loco omnia illa signa sub unum conspectum ponenda curavi, addita explicatione, ut facile quisque vel non consulta praefatione sciat, quem codicem intelligi voluerim; apposui autem simul eum praefationis locum, in quo accuratius de singulis agitur, ut qui meum de eorum pretio iudicium cognoscere velint statim reperiant. Ceterum teneant lectores me, sicubi ad lectionum in meis codicibus repertarum auctoritatem firmandam attulerim codicum, qui ab aliis in usum vocati sunt, lectiones, plerumque parenthesis signis usum esse, cuius rei causam aperui praef. pag. LX. Praeterea meminerint vulgatam lectionem a me vocari eam, quae in edit. Dalecampiana (per litteram ẞ significata) reperitur, de qua re dixi praef. p. LXIII. Broterianam edit. per litteram y indicavi. γ |