"Quin et lapis Lydius hic abundat, idque non procul a civitate Dubliniensi."

19. BARTHOL. ANGLICUS.

"Ibi gignitur lapis hexagonus, scilicet Iris, qui soli oppositus, format in aere cælestem arcum."

20. BEDA, Hist. Angl.

"Dives lactis ac mellis insula, nec vinearum expers, piscium, volucrumque, sed et cervorum venatu insignis."

21. BARTHOL. ANGL.

"Quantum ad salubritatem cæli est Hibernia regio valde temperata: modicus est ibi excessus vel nullus in frigore vel calore."

22. CAMBREN. Dist. Cap. 25.

"Terra terrarum hæc omnium temperatissima. Non cancri calor æstuans compellit ad umbras ; non ad focos Capricorni rigor urgenter invitat."

23. LOMBARD. Cap. 9.

24. "Ad fomentum ignis præter lignorum copiam, effodiuntur etiam cespites duplicis generis; alii minores et duriores; alii molliores et majores: et cum antehac necessum fuerit, ex Britannia eos adferre carbones lapideos quibus utuntur fabri ferrarii, nuper in Hibernia ipsa ejusmodi reperti, et quidem optimi qui ad usum commodius multò eruuntur."

25. CAMBREN. Dist. Cap. 25.

"Aeris quoque clementia tanta est, ut nec nebula inficiens, nec spiritus hic pestilens, nec aura corrumpens. Medicorum opera parum indiget insula.” "Nemo unquam indigenarum, terram, aeremque salubrem non egressus, ullâ trium generum specie febricitavit, sola vexantur acuta eaque perrarò."-Idem.

26. CAMBREN. Dist. I. Cap. 19.

"Habet enim cervos præ nimia pinguedine minùs fugere prævalentes, quantòque minores sunt corporis quantitate, tantò præcellentius efferuntur capitis et cornuum dignitate."

27. "Accipitres ergo et falcones, et nisos, quibus ad nobilium delicias animosa pectora rostraque recurva et acuta, pedes unguibus armatos aptosque prædæ natura dedit, præ aliis regionibus, hæc copiosè producit."-Idem, cap. 8.

28. "Aquilarum quoque non minorem hìc copiam, quam alibi milvorum videas."-Idem, cap. 9.

29. "Aves istæ in ipsos solaris corporis radios irreverberato lumine aciem defigunt oculorum tenerosque fœtus (ut fertur) ad idem erudiunt vel invitos."

30. LOMBARD, Cap. 10.

"Denique generantur hic pulcherrimi ac præstantissimi totius (ut putatur) Europæ venatici canes, iique etiam diversorum generum; sunt alii partìm communi cum aliis regionibus formâ, et quantitate,

aptissimi ad insequendos lepores, et cuniculos, et vulpes; partìm majores multò ad cervos, apros, lupos capiendum valentissimi."

31. BEDA, Cap. 80.

"In Hiberniâ nullus est serpens, nulla rana; nulla aranea venenosa. Ideo tota terra adeo est contraria venenosis, ut terra inde delata et sparsa serpentes perimat et Buffones."

32. "Nam sæpe illò de Britanniâ allati serpentes, mox ut proximante terris navigio, odore aëris illius attacti fuerint, intereant: quin potiùs omnia penè quæ de eadem insulâ sunt, contra venenum valent. Denique vidimus quibusdam a serpente percussis, rasa folia codicum, qui de Hiberniâ fuerunt, et ipsam rasuram aquæ immissam, ac potui datam, talibus protinùs totam vim veneni grassantis, totum inflati corporis adsumpsisse ac sedâsse tumorem."-Idem.

33. LOMBARD, Cap. 12. De Hibernis.

"Ad mititiam sunt affecti, et ad eam cum primis quibusque apti nationibus, utpotè animosi, fortes, expediti, patientes laboris, et inediæ, appetentes gloriæ, et capacissimi cùm totius disciplinæ militaris, tum usus, atque exercitii armorum omnis generis."

34. "Hibernici gens corpore valida et robusta, audax naturâ, ingenio acri et bellicosa, agilis, animo forti et elato, vitæ prodiga, gloriæ avida, hospitibus perbenigna, amore constans, crudelitate levis, conu meliæ et injuriæ impatiens."-Idem.

35. CAMBRENSIS, Dist. III. Topograph. Cap. 11.

"In musicis solum instrumentis commendabilem invenio gentis istius diligentiam, in quibus præ omni natione, quam vidimus, incomparabiliter est instructa. Hibernia quidem tantùm duobus utitur et delectatur instrumentis cytharâ scilicet et tympano."

36. GULIMAN in Vita S. Florentii.

"Hibernia sanctissimorum doctissimorumque officina."

37. MARIANUS, Lib. II. p. 375.

"Plurimis Sanctis, et innumerabilibus viris Hibernia plena habetur."

38. SURIUS ET MOLANUS.

"Stellarum prope numerum Sanctorum patrociniis Hibernia æquat."

39. AUCTOR Vitæ S. Sulgeni.

"Exemplo patrum commotus amore legendi, Ivit ad Hibernos sophiâ mirabile claros."

40. BEDA, Lib. III. Hist. Angl. Cap. 27. "Hæc autem plaga Hiberniam quoque insulam pari clade premebat. Erant ibidem eo tempore multi nobilium simul et mediocrium de gente Anglorum, qui relictâ insulâ patriâ, vel divinæ lectionis, continentioris vitæ gratia eò secesserant et quidam quidem mox se monasticæ conversationi fideliter

mancipaverunt. Alii magis circumeundo per cellas magistrorum lectioni operam dare gaudebant. Quos omnes, Scoti libentissimè suscipientes, victum eis quotidianum sine pretio, libros quoque ad legendum, et magisterium gratis præbere curabant."

41. CAMDEN. in sua Britanniá, p. 730.

'Anglo-Saxones etiam, illâ ætate, in Hiberniam tanquam ad bonarum literarum mercaturam undique confluxerant: unde viris sanctis sæpissime in nostris Scriptoribus legitur."

42. BARONIUS, ad annum 1053.

"Hibernia est Christianæ fidei tenacissima. Omnium vicinarum gentium fidem excellit."

43. FLODOARDS in Vitá S. Helani.

"Omnibus vicinis gentibus fide præpollet."

44. BOSIUS de Signis Ecclesiæ, Lib. VIII. Cap. 1. "In Hibernia non modò semper Catholica religio perstitit, sed inde viri sanctitatis illustrissimæ prodiêrunt."

45. Hist. Soc. Jesu. Lib. III. No. 45.

"Intactam Catholicam fidem et sincerissimam erga Romanum Pontificem, obedientiam animo ac voluntate Hiberni servant."